Ko tā mātou he tūhono tāngata, he tuitui hononga ā-hoa patui, he tuku whakaritenga whaitake hei whakatere i te huringa kia manawaroa te āhuarangi, kia iti hoki te tuku waro a Tāmaki Makaurau - a wai atu rānei kei tua. Piri mai.
Ko tā Climate Connect Aotearoa he whakakotahi i ngā pakihi, i te kāwanatanga, i ngā Māori, i ngā tāngata whai mātauranga, i ngā kaituku pūtea, i ngā kaihaumi rawa, i ngā kaiauaha ā-āhuarangi hoki kia whakaritea he huarahi me whai e urutau ai, e pakari ai hoki a Tāmaki Makaurau me Aotearoa i te huringa o te āhuarangi.
Ko tā mātou kaupapa, ko te whakatere i te toronga ki te auaha hei tautoko i a Te Tāruke-ā-Tāwhiri me ōna whāinga kia 50% te whakahekenga o te whakaputa haukino i mua i te tau 2030, kia whanake te manawaroatanga, kia whakaritea hoki he ōhanga e manawaroa ana, e iti ana te tuku waro, e haumanutia ana hoki.
E āta arohia ai ngā pānga o te huringa o te āhuarangi, ka ako mātou, ka whakahāngai hoki mātou i ngā ngohe o te pokapū ki te Anga Oranga o Te Ora o Tāmaki Makaurau, ā, ka whakaūngia te noho o te Tiriti o Waitangi hei tūāpapa mō ā mātou mahi e pā ana ki te āhuarangi.
Ko Te Ora o Tāmaki Makaurau tētahi anga oranga i ahu mai i te ao Māori, i whakaritea mai rā e ngā mana whenua i te taha o Te Tāruke-ā-Tāwhiri. Ko tāna he whakaahua i te ngahau me te matatini o tō tātou ao hei pūnaha hauropi ā-whakapapa e rarangatia ai ngā hononga me ngā whakawhirinakitanga. Ki te kore e whakaarotia ēnei hononga, me te tauritenga i waenga i aua hononga rā hei ngā whakatipuranga e hia e tū mai nei, e kore e āta arohia ngā pānga o te huringa o te āhuarangi, e kore hoki e tika te whakawhitinga ki te katoa.
Ka kitea ngā rauemi, āheinga pūtea me ngā tūhonohono e taea ana e koe te tīmata i tō auahatanga āhuarangi, whakaitihia ake ngā whakaputanga haukino ā hangaia manawaroa ki tāu whakahaerenga.
Whakatere ai mātou i ngā whakaritenga mō te āhuarangi mā te ahu i ngā mahi ngātahi. Ka huraina te hunga kei te mahi kē i te pūnaha hauropi, te wāhi ki a rātou, te huarahi hoki hei whai māu e hono ai koe, e whai wāhi ai hoki koe.
Ka whakarite a Climate Connect Aotearoa i ētahi wero ngātahi puta noa i ngā rāngai o te tūnuku, o te kai, o te taiao kua hangā, o te ngao hoki, e arotahi ana ki ngā hiahia matua puta noa i tā tātou pūnaha hauropi.
Ko He Kete Mātauranga tētahi wāhi hei tautoko i ngā hapori me ngā pakihi ki te whakatinana i ō rātou tūmanako, hei whakapakari hoki i te manawaroa mā roto i ngā pūnaha me ngā anga o te mātauranga Māori.
E mahi tahi ana mātou me ngā hoa patui ki te whakatū i tētahi pokapū hei āwhina kia māmā te toro ki ngā mōhiotanga e tokomaha ake ai ngā tāngata, e nui ake ai hoki ngā mōhiotanga ki te kōkiri i ngā auahatanga me ngā mahi mō te āhuarangi.
Tūhurangia ngā kōrero hou
