Te Wero ā-Kai

Ākuanei a Climate Connect Aotearoa whakarewa ai i tana Wero ā-Kai, e tautoko nei i te whakawhitinga ki ngā mahi whakatipu e haumanu ana i te taiao, ki ngā ara hei toro i ngā kai e iti nei te waro, e māmā ai hoki te utu i Tāmaki Makaurau.

Te waihanga i tētahi pūnaha mō ngā kai ā-rohe e iti nei te waro, e manawaroa ana hoki

Ko te kai tētahi o ngā take mātāmua e waru kei te Te Tāruke-ā-Tāwhiri: Auckland’s Climate Plan. E whai ana tā tātou pūnaha kai o te wā nei i tētahi tauira whāiti kāore e toitū ana, i te 'tangohia, takangia, rukea'. Ko ā tātou tikanga whakaputa e whakapau ana i ngā rawa one, e whakawhirinaki ana ki ngā kora mātātoka, e tuku para ana hoki ki te parakino ā-wainuku kua tuhene. I ia tau, rukea ai e ngā tāngata o Tāmaki Makaurau te 100,000 tana o te kai ki ngā ruapara, ā, i te motu, kei te pūnaha kai te 24 ōrau o tā Aotearoa whakaputa parakino nā te whakapetotanga.

I tua atu o tēnā, he take tukipū te korenga o te tūwhita kai i Aotearoa, ā, he tokomaha e oke ana ki te toro ki te nui o te kai e rawaka ana. E ai ki te pūrongo (2019) a Manatū Hauora, i te tau 2015/16, ko tōna 19 ōrau o ngā tamariki i noho ki ngā kāinga e wheako ana i te taikaha ki te tahanga o te korenga o te tūwhita o te kai.

I te kaha haeretanga o ngā pānga ōkiko ka hua mai i te huringa o te āhuarangi, ka nui kē atu ngā uauatanga e pā rā ki tā tātou pūnaha kai, pēnei i te rironga o ngā huanga kai nā ngā huarere taikaha, i te raruraru hoki o ngā ara tukutuku, i te nui haere hoki o te tukipū o ngā riha me ngā mate.

Te pai ake o ngā mahi whakatipu, te iti ake o te rukenga kai

I tā mātou wero ā-kai e haere ake nei, ka mahi ngātahi a Climate Connect Aotearoa puta noa i ngā rāngai, i ngā ara uara, i ngā hapori hoki e taea ai te whāia o ngā mahi whakatipu e auaha ana, e hāngai nei hoki ki tōna rahi e tika ana, me te whakarite i ngā tauira ōhanga e hou ana hei āpiti uara ki te wāhi ki ngā kaiwhakatipu i te tiakanga o te taiao me te tūwhita kai.

E koa ana mātou ki te tautoko i a Rescued Limited i a rātou e hono nei ki XLabs: Future of Food. I te taha o tētahi tīma, nō te whānuitanga o ngā ahumahi, ka hoahoa a Rescued i tētahi pūnaha hauropi mō te kai tukurunga i Aotearoa, e huri ai te āhua o tā tātou kohi me te hoko kai, o te titiro hoki ki te kai.

Tō mātou hoa patui ā-wero

E mahi ngātahi ana mātou ki te kaiārahi o te take mātāmua ā-kai i Te Tāruke-ā-Tāwhiri: Auckland's Climate Plan i Te Kaunihera o Tāmaki Makaurau. Ka pāhekoheko tahi mātou ki ngā hoa patui e whānui ake ana ki te tautuhi i te nui o te hiahia, ki te whakahaere wero ā-auaha hoki e aro ana kia whakawhanakehia ngā rongoā mō te kai e hāngai nei ki tōna rahi e tika ana.