Ngā rongo hou katoa
Hōparatia ā mātou kōrero hou katoa mō te pūngao, me ngā tuhinga o te pokapū mōhiotanga.
Te Wero ā-Pūngao
E patui ana a Climate Connect Aotearoa me te pokapū pūngao o anamata ki Aotearoa, me Ara Ake, kia waihangahia he rongoā pūngao auaha, kāore nei hoki e pau, mō Tāmaki Makaurau.
rgba(73,104,95,1)
rgba(255,255,255,1)
Te whakakore i te waro i te pūnaha pūngao ki Tāmaki Makaurau
Ko te pūngao tētahi o ngā take mātāmua kei Te Tāruke-ā-Tāwhiri: Auckland’s Climate Plan.
He nui te pūngao ka pau i ngā tāngata o Tāmaki Makaurau. Ko te nuinga o ngā parakino ka tukuna e tātou, e ahu mai ana i te whakaterenga o te waka tūmataiti, ka mutu, ka whakaarotia tērā i tā tātou wero ā-tūnuku. Heoi anō, he pokapū hoki a Tāmaki Makaurau e tāpua ai te nui o te hiahiatia o te hiko, ā, ko te nuinga noa atu o te hiko e ahu kē mai ana i waho o te rohe, tae atu hoki ki te teihana o Rāhui Pōkeka, i Waikato, e whai hiko ana nā te waro me te kapuni.
He mea whakaputa hoki ngā tuku parakino e hāngai ana ki te pūngao nā ngā ahumahi e whakamahi nei i te pōkākā hei tukatuka, pēnei i NZ Steel’s use of coal for steel-making in Glenbrook, i te tahu pia, i te tunu kawhe, i te waihanga kōata, i ngā huawhenua e whakatipuria ana i ngā whare kāriki e whakamahanatia nei, i te sugar production hoki. Whakamahia ai hoki ngā pāera hei whakamahana i ngā hōhipera, i ngā kura, i ētahi atu anō wāhi huihui hoki e rahi ana puta noa i te rohe, tae atu ki Maunga Whau me Rarotonga. E ngākau titikaha ana ngā kaunihera me te kāwanatanga ki te whakakore i te waro i ēnei wāhi.
Me āwhina ngā tāngata o Tāmaki Makaurau i te whakakorenga o te waro i te pūngao e whakamahia ana mā te huri kia whai hiko te rāngai tūnuku me te ahumahi, ā, mā te whakanui ake i ngā puna hiko kāore nei e pau, e tū ai te pūnaha pūngao o anamata e atamai ana, e manawaroa ana, e māmā ana hoki tōna utu.
rgba(255,255,255,1)
rgba(73,104,95,1)
Tō mātou hoa patui ā-wero
He mea whakatū a Ara Ake e te kāwanatanga i te tau 2020 hei whakatere ake i tā Aotearoa whakawhiti ki te anamata e iti nei te tuku parakino, e tautika ai hoki te pūngao. Ko tana tikanga he whakapoto ake i te wā, ko te whakaiti ake hoki i te utu me te tūraru ka pā ki te whakawhanaketanga, ki te arumonitanga me te horanga o te auahatanga ā-pūngao i Aotearoa mā te whakamahi i ngā mātauranga me ngā kōtuinga ā-motu, ā-ao hoki hei painga.
Ko tā te patuinga o Ara Ake me Climate Connect Aotearoa he āwhina i ngā kaiauaha me ngā hapori ki te whai māramatanga, ki te tūhura hoki i te rāngai pūngao. E whai nei mātou ki te whakatōpū i te hunga e tika ana kia puta ngā panonitanga.
rgba(73,104,95,1)
rgba(255,255,255,1)
Ngā kaupapa a te hapori e tiri pūngao ana ki Tāmaki Makaurau
Kua tīmatahia tā mātou wero ā-pūngao tuatahi i Tāmaki Makaurau me te titikaha o te ngākau ki te aro ki ngā kaupapa a te hapori hei tiri pūngao e aro nui nei ki te kōtonga ā-pūngao, e tiri nei hoki i ngā hua o ngā hangarau pūngao e motuhake ana, pēnei i ngā papa hiko kōmaru, i ngā pūhiko me ngā waka hiko.
Ka mahi ngātahi a Climate Connect Aotearoa me Ara Ake ki ētahi hoa patui ki te hoahoa, ki te whakarite hoki i tētahi tauira tiri pūngao e tū ana ki Tāmaki Makaurau. Mā te tauira e whakaatu ngā taunakitanga o ngā hua o te tiri pūngao, e whakaūngia ai te panonitanga ā-waeture, ā-pūnaha hoki, e whakaūngia ai hoki te tautika ake me te wātea ake o te ara ki ngā rongoā mō te āhuarangi puta noa i Aotearoa.
rgba(241,255,241,1)
rgba(73,104,95,1)
Tūtaki mai ki a Briony Bennett: Kaiwhakahaere mō te Auahatanga ā-Pūngao
I uru mai a Briony ki te rōpū o Climate Connect Aotearoa i a ia hoki e tū ana hei Kaiwhakahaere mō te Auahatanga ā-Pūngao i te taha o Ara Ake. Kua mahi ia i te kāwanatanga me te ao pakihi, i te kāinga, i tāwāhi hoki, ki te kōkiri i te panonitanga me te auahatanga i te rāngai pūngao. I te taha o Ara Ake, ka ārahi a Briony i ngā wero ā-pūngao i Climate Connect Aotearoa, me te aro ki te whakawhitinga ki tētahi pūnaha pūngao e iti nei tana whakaputa parakino, e haumaru ana, e manawaroa ana hoki.
rgba(73,104,95,1)
rgba(255,255,255,1)
Tūtaki mai ki a Briony Bennett: Kaiwhakahaere mō te Auahatanga ā-Pūngao
I uru mai a Briony ki te rōpū o Climate Connect Aotearoa i a ia hoki e tū ana hei Kaiwhakahaere mō te Auahatanga ā-Pūngao i te taha o Ara Ake. Kua mahi ia i te kāwanatanga me te ao pakihi, i te kāinga, i tāwāhi hoki, ki te kōkiri i te panonitanga me te auahatanga i te rāngai pūngao. I te taha o Ara Ake, ka ārahi a Briony i ngā wero ā-pūngao i Climate Connect Aotearoa, me te aro ki te whakawhitinga ki tētahi pūnaha pūngao e iti nei tana whakaputa parakino, e haumaru ana, e manawaroa ana hoki.
rgba(73,104,95,1)
rgba(255,255,255,1)
