Ka hora a Dr. Pauline Harris i nga kitenga matua mai i tana rangahau mō te huringa o te āhuarangi me te maramataka, ā, ka kōrero hoki ia i ōna tūmanako e pā ana ki tana tū hei hoa patui ki te Indigenous Peoples Initiative a NASA. Ka hōpara hoki ia i ngā wheako e rongo ngātahitia ana e ngā iwi taketake i te kaupapa o te āhuarangi. Ko Dr. Pauline Harris te kaikōrero matua mō te Pae Matapaki i te Auahatanga ā-Āhuarangi i tā mātou hui tuatahi e kīia nei ko He Kete Mātauranga, i tū rā i te 5 o Hune, i te marae o Te Mahurehure.
Dr Pauline Harris
Nō Rongomaiwahine, nō Ngāti Kahungunu ki Wairoa, nō Ngāti Rakaipaaka hoki
Te Ringatohu Tuarua hei Māori – MacDiarmid Institute for Advanced Materials and Nanotechnology
He mātanga mātai tuarangi a Dr Pauline Harris e matatau ana ki te putanga o ngā ngotangota kēhua e teitei nei te pūngao, ki te whakamakohatanga tere hoki o te tuarangi. E arotahi ana tana rangahau ki te mātauranga Māori e whai pānga ana ki te mātai arorangi Māori; ki ngā maramataka Māori me te huringa o te āhuarangi. I tēnei wā, ko Dr Harris te Kaihautū o te Society for Māori Astronomy Research and Traditions (SMART), te Ringatohu Tuarua hei Māori i te MacDiarmid Institute for Advanced Materials and Nanotechnology, ā, ko ia hoki te Kaiārahi Kaupapa mō Vision Mātauranga i te Science for Technological Innovation National Science Challenge. Ko ia hoki tētahi i te Rōpū Arataki o Matariki, nāna nei te hararei tūmatanui mō Matariki i whakatū mai.
