Ko Haukapuanui Vercoe tētahi o ngā mātanga i te pae matapaki mō te Pae Matapaki i te Anamata i tā mātou hui tuatahi e kīia nei ko He Kete Mātauranga, i tū rā i a Mei, i te marae o Te Mahurehure.
Haukapuanui Vercoe
Nō Te Arawa, nō Tūwharetoa, nō Te Atihaunui-a-Pāpārangi, nō Ngāti Kahungunu, nō Ngāti Pāhauwera, nō Ngāti Raukawa, nō Ngāi Tahu hoki
He Tauira Tohu Kairangi ki Waipapa Taumata Rau
E ū ana te ngākau o tētahi kairangahau Māori hou i te ao pūhanga metarahi, o Haukapuanui Vercoe, ki te whakapakaritanga ake o te manawaroa o ngā tūāhanga marae i ngā pūmate taiao me te huringa o te āhuarangi. E whai nei ia i tana tohu kairangi i Waipapa Taumata Rau, ā, e aro ana tana rangahau ki te raranga i ngā pūnaha mātauranga o te mātai pūhanga i te ao Māori ki ērā o te ao Pākehā. E tōia mai ana e Haukapuanui, ngā hua o te ao Māori, otirā, o tana noho i te kōhanga reo, i te kura kaupapa me te marae, tae atu ki ōna wheako i te mātai pūhanga, hei koha ki te whakaiti haeretanga o ngā tūraru ki te marae, hei koha hoki ki te manawaroa hoki o te hapori.
