Te kauawhi i ngā pūnaha o te mātauranga Māori 

Mā te whai i te tirohanga a te mātanga Māori, a te ruānuku me te pakihi, ka hōparatia e tātou te tikanga o te mātauranga ki ōna momo hapori, ā, ka tirohia hoki te ara e huri ai tō tātou mātau ki tā tātau whai wāhi atu ki te urupare ā-āhuarangi. 

He tini ngā āhua o ngā pūnaha o te mātauranga Māori, e arahina nei e te wā, e te wāhi, e te tirohanga, e te mahi, e te whakaaro nui me te tikanga. Mai i te pūrākau tuku iho i ngā reanga tae atu ki te hangarau hou, me tawhito, me hou hoki ngā rongoā e arahina nei e ngā iwi taketake hei whakatika i ngā hua ka puta i te huringa o te āhuarangi. 

Nā tāu rourou, nā taku rourou, ka ora te iwi. 

He Kete Mātauranga: He Hui mō te Mātauranga Māori me te Auahatanga ā-Āhuarangi  

I a Wenerei te tuarima o Hune, i pōhiritia te 115 tāngata hemihemi, ko rātou nei ētahi māngai nō ngā pakihi Māori, nō ngā whare wānanga, nō ngā iwi, nō ngā kāhui hautū hoki i Tāmaki Makaurau ki te wānanga i ngā kaupapa matua e toru o tā mātou hui tae atu ki te mātauranga Māori, te auahatanga ā-āhuarangi me te anamata.

Nā te Kaitohutohu Māori mō te Auahatanga ā-Āhuarangi, nā Waimarama Hawke (nō Ngāti Whātua Ōrākei, nō Ngāti Pikiao, nō Ngāti Awa, nō Ngāti Ranginui, nō Ngāti Mahuta, nō Ngāti Maniapoto hoki), ko ia nei tētahi o ngā kaihoahoa, tētahi hoki o ngā kaiwhakataki o He Kete Mātauranga, ōna ake whakaaro ki te hui i hora mai, tae atu ki ngā miramiratanga, me ngā wāhanga makau.  

Kia rere tonu te ako

Mātakina: He Kete Mātauranga: He Hui mō te Mātauranga Māori me te Auahatanga ā-Āhuarangi  

I te Hui mō te Mātauranga Māori me te Auahatanga ā-Āhuarangi  i tū ki Te Mahurehure Marae, nō mātou te hōnore nui ki te whakarite i tētahi rārangi kaikōrero Māori e tohunga ana, e mahi ana hoki i te ao o te pūtaiao, o te auahatanga, otirā, i te mātauranga Māori. 

Tirohia ētahi miramairatanga o te rangi.